Hjá Lostæti-Austurlyst starfar bakarameistari með meiru, sem hefur séð til þess að alla daga er boðið upp á nýbökuð brauð af öllu tagi með máltíðum.
Mikið er um fundarhöld á álverssvæðinu og þá er vinsælt að geta fengið nýbökuð brauð og kökur með kaffinu.
Jafnframt geta starfsmenn Alcoa og verktakar á álverssvæðinu valið úr fjölbreyttu brauð- og kökuúrvali úr verslun Austurlystar í veitingasalnum. Þar geta viðskiptavinir einnig keypt sér tilboðsrétti til að taka með heim, ýmsa drykki og fleira úrvals góðgæti.
Á vormánuðum 2011 mun Lostæti opna bakarí á Reyðarfirði undir handleiðslu Vals bakarameistara.