Álver Alcoa Fjarðaál sf. í Reyðarfirði tók til starfa í byrjun apríl 2007. Framleiðslugeta álversins er 346 þúsund tonn og starfsmenn eru rúmlega 400. Fjarðaál
er flaggskip Alcoa og eitt tæknilega fullkomnasta álver heims, m.a. hvað varðar mengunarvarnir.
Veitingasalur Alcoa Fjarðaáls á Reyðarfirði rúmar ca 300 manns í sæti og er salurinn margsetinn í hádeginu. Alla daga ársins er boðið upp á hlaðborð með fjölbreyttu úrvali rétta, bæði í hádeginu og á nóttunni. Viðskiptavinir geta alltaf valið um ýmsa heita rétti og/eða grænmetisrétti og léttari mat.
Fjöldi matargesta í sal er á bilinu 400-600 á hverjum sólarhring og eru þar bæði starfsmenn Alcoa Fjarðaáls og ýmsir verktakar á svæðinu.
GOLDEN GATE: Lostæti hefur alltaf lagt áhersu á að tryggja áreiðanleika og útiloka frábrigði í öllum viðskiptum eins og möguleiki er. Til þess að tryggja fljóta afgreiðslu í stuttu matarhléi viðskiptavina á álverssvæði, var samið við hugbúnaðar-sérfræðinga hjá Stefnu um að hanna, í samstarfi við Lostæti, sérstakt skráningarkerfi inn í matsalinn. Kerfið fékk nafnið Golden Gate og virkar
þannig að allir skanna sig inn í matsalinn og kerfið heldur utan um öll viðskipti.