Líf og fjör á 10 ára afmæli Alcoa Fjarðaáls
Laugardaginn 26. ágúst hélt Alcoa Fjarðaál upp á tíu ára afmæli fyrirtækisins. Starfsmenn Lostætis fögnuðu í leiðinni 10 ára samstarfsafmæli með Alcoa og buðu upp á grill, humarsúpu ofl.
Margt spennandi var í boði fyrir gestina í boði Fjarðaáls og starfsmannafélagsins Sóma. Meðal annars var boðið upp á skoðunarferðir um álverið, álbílasýningu, listsýningar Odee og Studio Eyjolfsson, tónlist ofl. Þá var einnig haldin keppnin um Austfjarðatröllið í réttstöðulyftu. Eiríkur Fjalar stjórnaði skemmtidagskrá á sviði en fram komu Sirkus Íslands, Leikhópurinn Lotta, Einar Mikael töframaður, Söngvaborg, Latibær og Ingó Veðurguð.
Skoðunarferðirnar um álverið voru vinsælar og stolt starfsfólk á vinnusvæðunum sýndi fjölskyldum og öðrum gestum framleiðsluferli Fjarðaáls, vinnusvæðin og afurðirnar.
Grillveitingar, humarsúpa, frostpinnar og gómsætar tertur frá Sesam Brauðhúsi runnu ljúft ofan í gestina þennan frábæra dag.
... hafðu samband !
Lostæti leggur áherslu á að vera með fagfólk í hverju rými. Markmiðin snúast um það að framleiða veitingar á listrænan og faglegan hátt til að uppfylla væntingar viðskiptavina sinna um lystaukandi veitingar, sannkallað lostæti á hvern disk.
