Fyrirtækið

Lostæti, veislu- og veitingaþjónusta var stofnað á Akureyri þann 1. september 1996 af Valmundi Pétri Árnasyni matreiðslumeistara og Ingibjörgu Ringsted viðskiptafræðingi. Frá upphafi hefur Lostæti sérhæft sig í því að þjónusta fyrirtæki og hópa með veitingar af öllu tagi.

Fyrirtækinu er skipt upp í deildir, þær eru:
Lostæti Akureyri ehf - Skrifstofur og stjórnunarstarfsemi
Lostæti Austurlyst ehf - Veitingaþjónusta í Fjarðabyggð, aðalstarfssemi hjá Alcoa Fjarðaáli
Sesam Brauðhús - Handverksbakarí í Fjarðabyggð

Þann 1. júlí 2017 var Lostæti Norðurlyst ehf selt til KEA, en sú deild þjónustar veitingar og veislur á Akureyri.

Í dag starfa um 40 manns hjá Lostæti með það eitt að markmiði að þjónusta viðskiptavini eins vel og mögulegt er hverju sinni.
Þjónusta Lostætis er fjölbreytt og sniðin að hverjum og einum viðskiptavini. Kjörorð okkar eru list fyrir lyst og hollusta án öfga.

Til þess að bjóða upp á fyrsta flokks þjónustu og hráefni vinnum við eftir ströngum UHÖ og GÁMES stöðlum. Við störfum einnig eftir manneldismarkmiðum Lýðheilsustöðvar. Við notum einungis fyrsta flokks hráefni frá viðurkenndum birgjum á Íslandi. Við notum ekki MSG eða önnur aukaefni í okkar vörur.

Útlærðir matreiðslumenn og matreiðslumeistarar okkar sjá svo til að maturinn sem þú færð standist allar þínar kröfur um gæði og hráefni.